Un storia cortico riba gastamento di placa den sector publico

Evelyn ta bende mercancia den su tienda.
Despues cu e bende algo pa AWG 10, e ta deduci e costo di compra, AWG 5; AWG 2 ta wordo cobra
na costo di personal, un florin na huur, un pa otro costonan cu e tin pa sigui mantene su negoshi.
E ta book 1-florin ganashi  pa e benta.
Di e 10% profit margin, e ta aloca un tercer di esaki pa paga impuesto di ganashi. Pues, e AWG 0.30 bayendo na GOA ta e resultado di su benta di AWG 10.
Den otro palabra, pa cada AWG 1 di impuesto, economia di Aruba mester produci AWG 30. Malgasta un florin di impuesto, anto e pais mester bin cu AWG 30 pa por recupera e perdida ey.
E balor di UN florin di impuesto ta 30 biaha mas cu e balor di un florin den economia  di Aruba.
E ehempel simplifica aki  ta pa illustra I refleha con hopi mas responsabel y prudente un organisacion gubernamental mester ta, ora ta trata cu nos recursonan limita.
Ta di spera cu nan lo kier crea servicionan di calidad pa e publico, procesonan of introduccion di inovacionnan, y trahando diligentemente pa comunidad.
Imagina, pa cada AWG 1 paga pa resolve pagonan di interes riba prestamonan, por ehempel, nos mester genera 30 florin riba e placa cu nos mester paga bek.
Pues si nos debe nacional yega na 5 biyon, nos lo mester genera 150 biyon, djis pa por resolve e debe aki, teniendo na cuenta cu pa GOA goberna su mes, ta rekeri 1.5 miyon pa dia, pues den e ultimo dos siman di gastamento di tempo nos a gasta 21 miyon + e 240 miyon alloca pa paga hende cu no ta trahando mas, 9 miyon den interes pa e debe nacional, y un responsabilidad grandi cu nos a hereda pa locual ta e costonan di reconditiona e terreno di e refineria.
Pues, desde inicio di e crisis di CoVid19 tin dos promesanan ekiboca cu a wordo haci:

1. MinPres a primiti pa no mishi cu gastonan/empleadonan di GOA
2. MinSal (asuntonan social, labor) a primiti pa duna tur persona sin trabao AWG 950
Mientras cu otro islanan y paisnan a pone placa un banda pa paga empleadonan via e negoshi cu nan ta traha p’e, Aruba ta inventando e wiel di nobo, “nos ta special y nos ta haci nos mesun cos”.
OK.
Pues e paso logico lo tabata ta pa funnel fondonan via SVB, nan tin e infrastructura caba, e nombernan, e numbernan, e cuentanan di banco, nan ta e plataforma perfecto, nos no mester yena ningun formulario nobo, nos ta den computer caba, si nos ta trahando, anto e protocol di AO ta similar na protocol di Covid19, sin empleo.  E negoshi ta paga e empleado, SVB ta compensa e negoshi.
Pero no, nan a dal cera SVB, y haci e dunador di trabao responsabel pa e registracion di FASA.
Pa kico? Dicon?

Esaki ta un otro sintoma di falta di eficiencia gobernamental, un otro complicacion burocratico introduci den temponan unda cu nos mester simplificacion, y no agregacion di mas burocracia.

 

Share on:

April 06, 2020
Rona Coster
Bati Bleki by Rona Coster
Bati Bleki by Rona Coster
Bati Bleki by Rona Coster
Bati Bleki by Rona Coster
Bati Bleki by Rona Coster
Bati Bleki by Rona Coster
Bati Bleki by Rona Coster
Bati Bleki by Rona Coster