Nenga pa cambia di opinion, y sigui hiba awa pa lama

Un di mi amigonan ta raporta cu nos ex Minister di Infrastructura ta bek den circulacion y e ta bezig ta reuni cu MinPres, MinFec, MinSal – asuntonan social, labor – y parlamentarionan di partido POR.M
i a pensa cu el a bay relaha, gradicidamente retira, y cu e tabata sabi, pa a sali net na tempo prome cu
Pandora’s Box a wordo habri. Pero, kisas, e ta haya falta di e accion, y kier bula bek den dje?!?!
Riba Diabierna, nos a lesa kico MP Rocco Tjong tabata tin di bisa tocante Hulanda. Con bo por bisa esaki, mientras bo ta para na e entrada di e porta, cu bo macuto den bo man?
Nan a bisa bo pa restructura y introduci cambionan, e model actual no ta sostenibel.
Cua parti di esaki bo no ta comprende?
Aruba no por a trata cu su finansas cu 98% yen di tourista , con lo por trata cu e peso di su gobierno cu 0% di bishitante? ?
Nos por bisa cu siguridad cu nos ta sufri di ‘Delusional Grandeur’, demostrando un refleccion hopi malo den nos mes y un comprendimento no mucho realistico riba nos importancia. CoVi19 supuestamente mester por ta siñando nos mas tocante humildad.
Nos a scucha tambe MinFec, pa kico e ta pensa cu e plan pa salba sector comercial prome ta fout.
E ta ‘stick to her guns’, nenga di cambia su opinion. E kier yuda hende – e unico den Reino cu a escohe e ruta aki – anto laga e comunidad comercial wak con nan ta haci riba nan mes.
Mi ta simplemente ripiti loke hopi hende a bisa caba: E plan pa duna hende sin trabao AWG 950 directamente tabata pensa por medio di MinSal – asuntonan social, labor – kende ta, manera menciona caba den media local, un populista, un self-style homber di pueblo, kende ta stima gesturanan enorme, y no ta un economista.
Y pa e virtud di NO ta un economista, awor e kier companianan pa presenta e administracion di FASE cu un ‘plan di accion’ demostrando nan esfuersonan pa salbaguardia empleo. Den serio? Bo kier awo pa e comunidad comercial CONFIA bo recien compila administracion di FASE cu nan informacion confidencial financiero?
Ken ta pensa e tipo di co’I kens asina?
Awor, negoshinan mester paga entre $2,500 pa $5,000 pa un consultante por formula un ‘business plan’ cu lo pasa e voto di e empleadonan di MinSal – asuntonan social, labor – dunando trabao den pura, pa crea e administracion FASE?
Nos ta compronde cu ora e promesa aki a wordo haci na pueblo, cu e tabata duro pa hala palabranan bek aden
Y consecuentemente, tur hende mester biba cu ne hasta cu e no ta realistico, hasta mirando e protestanan cu ta bini for di ATIA y Comerciantenan Uni.
E uniconan cu ta contento ta e Grant Thornton’s di e  mundo aki cu lo mester skirbi tur e plannan di negoshi aki anto wordo paga p’e!

Share on:

April 06, 2020
Rona Coster